ياسمين عز: اتجوزي صعيدي وحطي في بطنك بطيختين صيفي.. حسسيه أنه محور حياتك
كتب : أحمد إبراهيم
السبت، 28 يناير 2023 10:06 م
-
مشاركة
-
-
-
-
وصفت الإعلامية ياسمين عز مقدمة برنامج كلام الناس، المذاع على فضائية إم بي سي مصر الرجل الصعيد بالحامي ذو الأصل الطيب.
وصرحت ياسمين عز قائلة عن الرجل الصعيدي قائلة:
الزوج الصعيدي رجل طيب وأصيل ودمه حامي.
مش محتاجة أقولك اتجوزي صعيدي وأنت مغمضة.
اتجوزي صعيدي وحطي في بطنك بطيختين صيفي.
الصعايدة يعني الأصل الطيب، والأخلاق الحميدة، والشهامة والجدعنة والمروة والنخوة.
كل الصفات الحلوة اللي بقت عملة نادرة، موجودة في الرجل الصعيدي.
الصعيدى مخلص وكاتم أسرار، ميطلعش أسرار بيته بره.
حرمة بيته بالدنيا، مش مجرد زوج وحبيب وخلاص.
ده أخ وأب وصديق وسند.
يهمه أخلاقك قبل جمالك، ودمه حامي عشان كده هتلاقيه بيغير عليكي من الهوا الطاير.
لازم تتقبلي غيرته وتحسسيه أنه محور حياتك.
